دفتر مواعيدك صار بجيبك
كوافيري بينظّم صالونك: مواعيد، دور، وزباين، وصفحة حلوة باسم صالونك يحجزو منها زباينك بأي وقت.
بدون التزام. بتسجل برقم موبايلك وبس.
لسا بتكتب المواعيد بدفتر؟ بيتصلو عليك وإنت المقص بإيدك؟ حدا بيحجز وما بيجي؟
كوافيري انعمل لهيك بالضبط. ومن هون، لصالونات بلدنا.
١. أجندة بتلحق عليك
يومك كلو بشاشة وحدة: مين جاي، عند أي كرسي، وشو بدو. ضيف موعد بلمستين وإنت واقف.
٢. الدور صار أونلاين
«خود رقم دور» من صفحتك، والزبون بيشوف قدامو كم واحد وبيجي عوقتو بدل ما ينطر عالكنبة. والمواعيد والدور بخط واحد ما بيتضاربو.
٣. صفحة باسم صالونك
kawafiry.com/s/salon-kawafiry: صورك، خدماتك، أسعارك، ودوامك. حطها ببايو الإنستغرام وخلي الحجوزات توصلك وإنت نايم.
٤. زباينك، بذاكرة ما بتنسى
تركيبة الصبغة، درجة الماكينة، «بيحب فضي»، كل زبون وملفو. ومين بيحجز وما بيجي؟ منذكّرك فيه.
حطّو عشاشتك متل أي تطبيق
ما في متجر تطبيقات ولا تنزيل. كم كبسة وبتصير أيقونة كوافيري جنب واتساب — بتفتح أجندتك رأساً، وبتضل تشتغل حتى لو النت ضعيف.
- ما بياخد مساحة، ولا بدّو تحديثات
- أجندة اليوم بتفتح حتى لما النت يقطع
- بيفتح بشاشة كاملة، بلا شريط عناوين
كوافيري
كيف بتشتغل
- ١
سجّل برقم موبايلك (دقيقة وحدة، الرمز بيوصلك عالواتساب)
- ٢
ضيف خدماتك وكراسيك وصورك (١٠ دقايق)
- ٣
انشر رابط صفحتك وخلص، الحجوزات صارت شغلتنا
سعر واحد، كل الميزات
جرّب كل شي مجاناً ١٥ يوم، وبعدها اشتراك شهري بسيط بيوفّرلك أول موعد ضايع.
١٠ دولار بالشهر · الدفع: كاش أو تحويل، متل ما بيناسبك.
جرّب مجاناً ١٥ يومعندك سلسلة صالونات؟ راسلنا وبنرتبلك عرض.
أسئلة شائعة
بدي كمبيوتر؟
لأ، كل شي من موبايلك. حتى بتضيف كوافيري عشاشتك متل أي تطبيق.
زبوني بدو ينزّل تطبيق ليحجز؟
لأ، بيفتح صفحتك بالمتصفح وبيحجز بثواني.
النت ضعيف عندي…
الأجندة بتضل تفتح وبتشوف يومك حتى لما النت يقطع.
شو يعني كوافيري؟
«الكوافير تبعي» 😄 لأنو العلاقة بينك وبين زبونك هي القصة كلها.
بياناتي وزبايني؟
ملكك. بتصدّرهن بأي وقت بكبسة، وما منشاركهن مع حدا. سياسة الخصوصية